Айхал Габышев: «Көннөрүүлэр киирэллэрэ бары өттүнэн табыгастаах»

Ааптар: 
Бөлөххө киир:

Дойду бэрэсидьиэнэ Төрүт Сокуоҥҥа көннөрүүлэри киллэрэргэ Бүтүн Арассыыйатааҕы куоластааһыны от ыйын 1 күнүгэр ыытыы туһунан эттэ.

edersaas.ru

Саха сирин тутааччыларын уоп­састыбаннай тэрилтэтин, өрөспүүбүлүкэтээҕи Аҕалар түмсүүлэрин салайар Айхал Габышев санаатын тиэртэ.

Аан дойдуга олох тэтимэ уларыйда. Онон дойдубут Төрүт Сокуонугар уларытыылары киллэрэрбит бары өттүнэн табы­гастаах. Бу Орто дойдуга букатын кэлбит суоҕун курдук, ханнык баҕарар сокуон эмиэ уларыйыахтаах. Сүрүн сокуоҥҥа уларыйыылары, эбиилэри, тупсарыылары киллэрии кэмигэр буолла. Бастатан туран, дьиэ кэргэн, ыал бэлиитикэтигэр улахан болҕомто ууруллубутун Саха сиринээҕи «Аҕалар түмсүүлэрин» бэрэссэдээтэлэ буоларым быһыытынан олус сэргээтим. Бу саҥа сокуоҥҥа ыал буолууну өйөөһүн, ийэ-аҕа оруолун өрө тутуу, дьиэ кэргэҥҥэ оҕону иитии усулуобуйатын тупсарыы, ону тэҥэ, сааһын сиппит оҕо төрөппүттэрин дьоһун саастарыгар көмөлөөх буолалларыгар ыҥырыы сөптөөх суол. Бу барыта дьон-норуот сайдыытыгар олук уурар. Ону тэҥэ, оҕо, эдэр ыччат бырааба Конституциянан көмүскэллээх буолла. 67-с ыстатыйа 4-с чааһыгар “Арассыыйа судаарыстыбаннай бэлиитикэтин сүрүн оҥкула – оҕо» диэн эбии киллэрии улахан суолталаах. Ону тэҥэ, Конституция 7-с ыстатыйата этэринэн, РФ киһи дьоһуннаах олохтонорун туһугар уонна көҥүл сайдыытыгар туһуламмыт бэлиитикэлээх социальнай судаарыстыба буолар диэн ыйылынна. Модун Арассыыйа тэтимнээхтик сайдарын, дьон-сэргэ олоҕо өссө тупсарын туһугар Сүрүн сокуону — Конституцияны сайыннаран, тупсаран биэрэрбит сөптөөх.

Елена ПОТОЦКАЯ, «Cаха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0