“Агростартап – 2020”: Бастакылар быһаарылыннылар

Ааптар: 
Бөлөххө киир:

Тыа хаһаайыстыбатын министиэристибэтигэр «Агростартап» гранын куонкуруһугар бастакы кыайыылаахтар быһаарылыннылар.

edersaas.ru

«Дьоҕус уонна орто урбаан итиэннэ биирдэм урбаан көҕүлээһинин өйөөһүн» национальнай бырайыак, «Тыа сирин кэпэрээссийэтин уонна фермердэри өйөөһүн ситимин тэрийии» эрэгийиэннээҕи бырайыак чэрчилэринэн тэриллэр бу бырагыраамаҕа өрөспүүбүлүкэ сүүрбэ икки улууһуттан барыта 157 сайаапка киирбититтэн, куонкуруска ситэри докумуоннаах 94 киһи киллэриллибитэ. Видеокэнпириэнсийэ киэбинэн ыытыллыбыт куонкурус түмүгүнэн, грант бастакы хаһаайыннарынан 18 бааһынай хаһаайыстыба баһылыга таҕыста. Кинилэр кэккэлэригэр Мэҥэ Хаҥаластан уонна Уус Алдантан үстүү киһи баар.

Быйыл бу бырагырааманан 116 мөл., ол иһигэр федеральнай бүддьүөттэн 87 мөл., өрөспүүбүлүкэттэн 28,9 мөл. солк. көрүллэр. Итинтэн бастакы кыайыылаахтар хаһаайыстыбаларын сайыннарыыга хайысхаларынан көрөн, барыта холбоон 54 мөл. солк көмөнү ылыахтара, ордубут үпкэ министиэристибэ куонкурус иккис түһүмэҕин биллэрэр. Санатан эттэххэ, «Агростартап» грана былырыын 41 бааһынай хаһаайыстыба баһылыгар бэриллибитэ.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0