Ил Дархан уонна бырабыыталыстыба дьаһалтатын саҥа уларыйыылара

Бөлөххө киир:

Кимнээх уурайдылар?

Ил Дархан уонна бырабыыталыстыбатын дьаһалтатын салайааччытын солбуйааччылары Андрей Романовы, Евгений Савельевы, Кадровай бэлиитикэ, судаарыстыбаннай уонна муниципальнай сулууспа департаменын салайааччы Андрей Мартыновы, Ис бэлиитикэ департаменын салайааччы Афанасий Владимировы, Мониторинг уонна хонтуруол департаменын салайааччы Алексей Филипповы, Информационнай бэлиитикэ департаменын салайааччы Станислав Платоновы  дуоһунастарыттан босхолоотулар. 

Кимнээх солбуйдулар?

Михаил Гасанбалаев уонна Евгений Федоров СӨ баһылыгын уонна бырабыыталыстыбатын дьаһалтатын салайааччытын солбуйааччыларын эбээһинэһин толорооччуларынан ананнылар. Бу туһунан ыйаахха ыам ыйын 30 күнүгэр Саха сирин баһылыгын э.т. Айсен Николаев илии баттаата.

Оттон Айсен Николаев сүбэһиттэрин э.т. Ирина Якушева уонна Галина Мозолевская,  көмөлөһөөччү э.т. Давид Григорьев, бэрэсидьиэн секретариатын салайааччы э.т. Георгий Михайлов, баһылык уонна бырабыыталыстыба дьаһалтатыгар Мониторинг уонна хонтуруол департаменын салайааччы э.т. Татьяна Санникова, Информационнай бэлиитикэ департаменын салаайааччы э.т. Руслан Тимофеев, Кадровай бэлиитикэ, судаарыстыбаннай уонна муниципальнай сулууспа департаменын салайааччы э.т. Степанида Николаева, Ис бэлиитикэ департаменын салайааччы э.т. Михаил Слепцов ананнылар.

Кимнээх хааллылар?

Ил Дархан уонна бырабыыталыстыбатын дьаһалтатын салайааччы Федор Борисов, билиҥҥитэ, дуоһунаһыгар үлэлии олорор. Кини биир солбуйааччыта Михаил Слепцов дуоһунаһа арыый намтаан, урукку үлэлии сылдьыбыт миэстэтигэр — дьаһалта Ис бэлиитикэҕэ департаменыгар салайааччынан кэллэ. Санатан эттэххэ, кини манна Афанасий Владимировы солбуйда. Оттон Степанида Николаева департаменыгар солбуйааччы этэ.

Уурайбыттар туһунан

Уурайбыт дьон тугу үлэлиэхтэрин туһунан информация, билиҥҥитэ, суох. Даҕатан эттэххэ, кинилэртэн үксүлэрэ уоппуската суох сылдьыбыттара ыраатта.  Биир-икки ыйдаах уоппуска кэннэ саҥа миэстэлэрэ биллиэ диэн сабаҕалыахха сөп.

Еdersaas.ru

+1
0
+1
0
+1
0
+1
0
+1
0
+1
0
+1
0