Доруобуйа харыстабылын аан дойдутааҕы тэрилтэтин (ВОЗ) бэҕэһээҥҥи чахчыларынан коронавирус дьаҥа өссө төгүл күннээҕи рекорду куоһурбут.
edersaas.ru
Саҥа дьаҥынан от ыйын 24 күнүгэр аан дойду үрдүнэн 284 тыһыынчаттан тахса киһи сутуллубут. Бу иннинээҕи рекорд от ыйын 18 күнүгэр олохтоммута (259,8 тыһ.). Мантан сылыктаатахха, аан дойду үрдүнэн COVID-19 намтыыра өссө даҕаны ыраах. Ыалдьыбыт дьон ахсаана 15,2 мөлүйүөҥҥэ тиийбит, ыарыыттан өрүттүбэтэх дьон ахсаана 628 тыһыынчаттан тахсыбыт. 8,9 мөлүйүөн киһи коронавирустан үтүөрбүтүнэн ааҕыллаллар. Доруобуйа харыстабылын аан дойдутааҕы тэрилтэтин салайааччыта Тедрос Гебрейесус этэринэн, “Ыарыы чыпчаалын өссө даҕаны ааһа иликпит, билигин даҕаны олус элбэх киһи коронавирустан ыараханнык ыалдьар кутталлаах”.
Хаартыска РБК
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1