Көҥүл тустууга Аан дойду кубогар Арасссыыйа сүүмэрдэммит хамаандатын састааба кулун тутар 9 күнүгэр биллиэҕэ диэн Таймураз Тигиев иһитиннэрдэ.
«Кулун тутар 8 күнүгэр кэтээн көрөр киирсиилэр буолуохтара, бу түмүгүнэн аныгыс күнүгэр сүүмэрдэммит хамаандабыт састаабын биллэриэхпит«, — диир көҥүл тустууга Арассыыйа сүүмэрдэммит хамаандатын старшай тренер-начальнига Таймураз Тигиев.
Көҥүл тустууга Аан дойду кубога Саха сиригэр кулун тутар 16-17 күннэригэр ыытыллар. Манна аҕыс дойду бөҕөстөрө тустуохтара: Арассыыйа, АХШ, Грузия, Куба, Япония, Иран, Турция уонна Монголия.
Бу турниры Дьокуускайга ыытыахха диэн Саха өрөспүүбүлүкэтин бэрэсидьиэнэ Айсен Николаев этии киллэрбитин Арассыыйа спортивнай тустуутун федерацията өйөөбүтэ.
Санатан суруйдахха, сүүмэрдэммит хамаанда састаабыгар саха тустуутун оскуолатыттан Арыйаан Тютрин, Эдуард Григорьев уонна Виктор Рассадин киириэхтэрин сөп.
СИА.
⠀
+1
+1
+1
+1
+1
+1
+1