Аҥаардас мааска абыраабат

Ааптар: 
Бөлөххө киир:

Ил Дархан Айсен Николаев бүгүн, бэс ыйын 18 күнүгэр, өрөспүүбүлүкэҕэ коронавирус балаһыанньатын билиһиннэрэригэр, дьаҥ туруоҕуттан өрөспүүбүлүкэ үрдүнэн барыта 3389 киһи ыалдьыбыта бэлиэтэммитин эттэ.

Оттон кэнники биир сууккаҕа 99 киһи хоруона хамсыгар сутуллубут. Мантан саамай элбэх киһи (74) Дьокуускайга ыалдьыбыта бэлиэтэммит.

Дьокуускай куоракка ыалдьааччы ахсаана кэнники күннэргэ өрө таҕыста. Сорох улуустарга эмиэ элбиир.  Онон күүстээх бохсуу барара ирдэнэр, — диэтэ Ил Дархан. Итиэннэ сорох дьон эппиэтинэһэ суох үрдүнэн сыһыаннаһалларыттан дьаҥҥа сыстыы элбиирин, ыарыы тарҕанарын бэлиэтээтэ. Аҥаардас мааскалаах сылдьартан уонна хааччахтыыр миэрэлэртэн бу уодаһыннаах коронавирус хаптайар, балаһыанньа тупсубутунан барар диэн өйдүүр сыыһатын, тутах буоларын эттэ. Кылаабынайа, туох баар ирдэбиллэри кытаанахтык уонна булгуччу тутустахха эрэ, бу дьаҥы бохсор, хаптатар кыах баарын тоһоҕолоото. Ол инниттэн, тымныйан ыалдьыбыт сибикилээх, эттэрин суоһа үрдээбит дьон үлэлэригэр кэлэллэрэ булгуччу бобулларын, тэрилтэлэр салайааччылара ону өйдөтөр үлэлэрин өссө күүһүрдэллэрэ наадатын ыйда.

Бүгүҥҥү иһитиннэриинэн коронавирустаабыт 26 киһи ыарахан туруктаах, биэс киһи ИВЛ аппараатыгар холбонон сытар.

+1
0
+1
0
+1
0
+1
0
+1
0
+1
0
+1
0