Почта үлэһиттэрэ кырдьаҕастарга аадырыстаах көмөнү дьиэлэригэр тиэрдэллэр...
Олох-дьаһах

Почта үлэһиттэрэ кырдьаҕастарга аадырыстаах көмөнү дьиэлэригэр тиэрдэллэр

Дьокуускай куорат, Жатай уонна куорат таһынааҕы бөһүөлэктэргэ олорор 65-тэриттэн аҕа саастаах, бэйэни изоляцияланыы эрэсиимигэр олорор дьоҥҥо биир кэмнээх социальнай көмө быһыытынан 4000 солкуобай бэриллэр. Харчы аҥаара дьиэҕэ бүгэн олоруу эрэсиимин саҕаланыытыгар, иккис аҥаара бэйэни изоляцияланыы бүттэҕинэ, эрэсиими тутуспут түбэлтэҕэ бэриллэр. Маннык дьаһалы Ил Дархан Айсен Николаев коронавирус дьаҥа тарҕаныытын бохсор сыалтан таһаарбыта.

edersaas.ru

Бу күннэргэ социальнай көмөнү итиэннэ биэнсийэлэрин Арассыыйа почтатыттан ылар, 65-тэриттэн аҕа саастаах, үлэлээбэт дьоҥҥо почта үлэһиттэрэ 2000 солк. аадырыстаах көмөнү дьиэлэригэр тиэрдэ сылдьаллар. Барыта 3445 киһиэхэ тиксэриэхтээхтэриттэн, аҥаардас бэҕэһээ 1,5 тыһ. кырдьаҕаска сырыттылар диэн Үлэ уонна социальнай сайдыы министиэристибэтин пресс-киинэ иһитиннэрэр.

Раиса Сибирякова, «Саха сирэ» edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

16 − шестнадцать =