Санкт-Петербург куоракка ыыттылла турар аан дойдутааҕы экэнэмиичэскэй форум кэмигэр “МегаФон”, “Ростелеком” уонна “Nokia” хампаанньалар 5G ситиминэн бастакы видеокэпсэтиини оҥордулар.
edersaas.ru
5G ситиминэн Арассыыйаҕа бастакы аан дойдутааҕы видеокэпсэтии оҥоһуллан, дойдубутугар саҥа көлүөнэ сибээһэ баар буолла. Ол курдук “Ростелеком» салайааччыта Михаил Осеевскай уонна “МегаФон” тиэхиньиичэскэй инновацияҕа, инфраструктураҕа дириэктэрэ Фредерик Ваносчуйзе Хельсинкига Nokia мобильнай сибээһин бэрэсидьиэнигэр Томми Уиттоны кытары видеосибээһинэн кэпсэттилэр.
Бу тэрээһин историческай суолталанна. Ол курдук, 28 сыл анараа өттүгэр NMT-450 ситиминэн Арассыыйаҕа аан бастакытынан мобильнай төлөпүөнүнэн бастакы кэпсэтии оҥоһуллубута. 1991 сыллаахха балаҕан ыйын 9 күнүгэр Санкт Петербург мэрэ Анатолий Собчак Сиэтл куоракка олорор кэллиэгэтигэр мобильнайынан кэпсэппитэ.
«Ростелеком» хампаанньа бэрэсидьиэнэ Михаил Осеевскай: «5G ситим цифровой экэниэмикэкэ саамай наадалаах сибээһинэн буолуоҕа. Мобильнай сибээстээн биисинэс быһаччы тутулуктаах», — диэн санаатын үллэһиннэ.
Биһиги корр., edersaas.ru