От ыйын 14 күнүнээҕи туругунан, өрөспүүбүлүкэҕэ 22 сиргэ ойуур умайан күүдэпчилэнэ турар. Уопсайа, 11710,3 гектар иэннээх сир умайар. Бу туһунан СӨ Ойуурга сыһыаннаһыыга департамена иһитиннэрдэ.
Анивера Акимова, «Саха сирэ» хаһыат, https://edersaas.ru/
Ойуур баһаардарын утары охсуһууга билигин барыта 971 киһи уонна 45 араас тиэхиньикэ үлэлии сылдьар.
Үөһээ Бүлүү улууһугар – 160 гектар, Бүлүүгэ – 4748, Горнайга – 3360, Кэбээйигэ – 75,2, Намҥа – 930, Тааттаҕа – 1700, Уус Алдаҥҥа – 455, Уус Маайаҕа – 185, Чурапчыга – 80, Аммаҕа – 0,1 гектар сир умайар. Оттон Мэҥэ Хаҥаласка уонна Уус Алдаҥҥа икки сиринэн турбут баһаар бохсулунна.
Россия ЫБММ Саха сиринээҕи кылаабынай управлениета нэһилиэнньэни тыаҕа тахсартан туттунаргытыгар ыҥырар. Сиргэ сылдьан уоттан сэрэхтээх буолуу быраабылатын кытаанахтык тутуһарга сүбэлиир.
Анивера Акимова, «Саха сирэ» хаһыат, https://edersaas.ru/