202 №-дээх уураах икки күн иһигэр тохтотуллуо

Бөлөххө киир:

 “202 №-дээх уураах – бу мөккүөрэ суох ылыллар балаһыанньа уонна быһаччы дьайар докумуон буолбатах. Тиэрэ өйдөбүлү таһаарбат уонна быһаччы туттуллан барыыны туоратар инниттэн бу уураах икки күн иһигэр тохтотуллуо.

202 №-дээх уураах икки күн иһигэр тохтотуллуо. Маныаха 2019 сыл балаҕан ыйын 1 күнүгэр диэри сиһилии, хас биирдии оройуоҥҥа тус-туһунан үөрэхтээһин, доруобуйа харыстабылын уонна социальнай эйгэ атын тиһигин хаачыстыбатын үрдэтэр кыаҕы биэрэр тэрилтэлэр тиһиктэрин торумнуохпут. Биһиги бүддьүөт хас биирдии солкуобайын ордук табыгастаахтык уонна муҥутуур көдьүүстээхтик туһаныынан салайтарыахпыт. Бу тиһиги туһаныы 2020 сылтан саҕаланыаҕа, — диэн Саха Өрөспүүбүлүкэтин бырабыыталыстыбатын бэрэссэдээтэлэ Владимир Солодов эттэ.

Санатан эттэххэ, ыам ыйын 21 күнүгэр Усуйаана оройуонугар прессаны кытта кэпсэтэригэр өрөспүүбүлүкэ Ил Дархана Айсен Николаев бырабыыталыстыба урукку састааба ылыммыт уонна былырыын бэс ыйыгар ылыныллыбыт кэнники кэмҥэ күүскэ дьүүллэһиллэр-ырытыллар 202 №-дээх уурааҕы тохтотор туһунан Саха сирин бырабыыталыстыбатын бэрэссэдээтэлигэр Владимир Солодовка сүбэлиэм диэн иһитиннэрбитэ. Саха сирин баһылыга ити эрээри “туһата суох бүддьүөт тэрилтэлэрин уонна салайар персонал ахсаанын аччатар бэлиитикэ оннунан хаалыаҕа” диэбитэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.

+1
0
+1
0
+1
0
+1
0
+1
0
+1
0
+1
0