Ааспыт сылга Саха сиригэр 887 миэстэлээх 10 оҕо саада тутуллан үлэҕэ киирдэ. Санатан эттэххэ, 2015 сылга 3-7 диэри саастаах оҕолору оҕо саадынан хааччыйбыттара. Былырыын СӨ Бырабыыталыстыбата 3-гэр диэри саастаах кырачааннары оҕо саадынан хааччыйыыга сыал-сорук туруоруммута. Былаан быһыытынан 2016-2019 сылларга 13720 миэстэ тахсыахтаах. 2016 с. барыат 3649 оҕо миэстэнэн хааччылынна.
Людмила Попова, «Саха сирэ» хаһыат, https://edersaas.ru/
Алтынньыга ыытыллыбыт Ил Түмэн мунньаҕар СӨ Үөрэҕин миниистирин бастакы солбуйааччы Феодосия Габышева: “Биһиги иннибитигэр саҥа сорук турар – 2 ыйдарыттан 3-гэр диэри саастаах оҕолору оскуола иннинээҕи өҥөнөн хааччыйыы”, — диэн эппиттээх. Туруоруллубут соругу толорор инниттэн, министиэристибэ анал былааны оҥорбута. Онно олоҕурдахха, 2016 сылга — 51 %, 2017 сылга — 67 %, 2018 сылга — 84 %, 2019 сылга – 100 % оҕо саадынан хааччыллыахтаах.
Биллэн турар, бу аҥардас оҕо саадын тутуунан эрэ кыаллыбат боппуруос. Араас суолу тобулаллар. Ол курдук, үлэлии турар оҕо саадтарыгар сүбэлиир-методическай кииннэри тэрийэр, судаарыстыбаннай-чааһынай бииргэ үлэлэһии механизмын туһанар, чааһынай оҕо саадтарын арыйар толкуйдаахтар.
Манна даҕатан эттэххэ, 2025 сылга диэри дойду бары оскуолаларын үөрэнээччилэрин биир симиэнэҕэ көһөрөр сорук турар.
Людмила Попова, «Саха сирэ» хаһыат, https://edersaas.ru/