Оскуола оҕотуттан суотабай төлөпүөнүн былдьыы сатаабыт 40 саастаах киһиэхэ суут бириигэбэрэ тахсыбытын туһунан СӨ Борокуратууратын пресс-сулууспата иһитиннэрдэ.
Бу быһылаан былырыын кыһын, сэтинньи ыйга, Дьокуускай куоракка буолбута уонна оскуола үөрэнээччитигэр ааһан испит киһи түбэһэ көрөн көмөлөспүтүнэн, дьоҥҥо биллибитэ.
Ол курдук, 12 саастаах кыыс оҕо уулуссанан хааман истэҕинэ, бу урут сууттана сылдьыбыт 40 саастаах киһи кэнниттэн эккирэтэн тиийэн, ситэн ылан, «суотабай төлөпүөҥҥүн биэрэ тарт!» диэн кууркатын сиэптэрин хасыһан киирэн барбыт.
Кыыс хаһыытыырын, көмөҕө ыҥырарын чугас ааһан испит киһи истэн, сүүрэн кэлэн, быыһаан ылбыта.
Сууттанааччы бу иннинэ эмиэ буруйу оҥорон, тургутар болдьоххо сылдьар кэмигэр өссө буруйу оҥорбутун учуоттаан, суут кинини халааһыҥҥа суудайыыга буруйдааҕынан билинэн, 4 сыл 6 ыйга ураты эрэсиимнээх холуонньаҕа көҥүлүн быһарга уурда.
Биһиги корр., «Саха сирэ» хаһыат, edersaas.ru
Хаартыска: интэриниэттэн.